प्रो कबड्डी लीगच्या सहाव्या सीझनसाठी एक महत्वाच्या सामन्यात रविवारी हरियाणा स्टिलर्सने शानदार प्रदर्शन करत दबंग दिल्लीला 34-27 ने पराभूत केले.
झोन -एच्या या सामन्यात हरियाणासाठी रेडच्या माध्यामातून सर्वाधिक गुण विकास कंडोला (10) ने मिळविले तर डिफेसच्या माध्यमातून सर्वाधिक गुण सचिन सिंगडे (4) ने मिळविले.
दिल्लीकडून रेडर नवीन कुमारने 10 गुणाचे योगदान दिले तर डिफेंडर रविंदर पहलने पाच गुणाचे योगदान दिले.
श्री शिव छत्रपती स्पोटर्स कॉम्पलेक्समध्ये झालेल्या सामन्याची सुरुवात  दोनीही संघामघ्ये जोरदार संघर्षाने झाली. सामन्याच्या सुरुवातीच्या 15 मिनिटानंद स्कोर 9-9 ने बरोबरीत राहिला.
यानंतर हरियाणाच्या संघाने दमदार प्रदर्शन करत स्कोर 11-9 केला आणि पूर्ण सामन्यात परत एकदा पकड निर्माण केली. दिल्लीने वापसी करण्याचा प्रयत्न केला आणि सामन्यातील अंतिम क्षणात बेहतर प्रदर्शन केले परत पराभव टाळू शकले नाहीत.

महिला टी-20 विश्‍वचषकात इंग्लंडविरूद्ध भारताच्या उपांत्य सामन्यात मिताली राजला संघात समाविष्ट न केल्यामुळे उठलेल्या वादाने मोठे रूप घेतले.
वेबसाइट ’ईएसपीएन’ च्या वृत्तानुसार या वाढलेल्या वादामुळे भारतीय क्रिकेट कंट्रोल बोर्डच्या (बीसीसीआय) प्रशासकांच्या समितीने (सीओए) स्पर्धेत मितालीचे फिटनेसची माहिती मागितली आहे. उद्या सोमवारी संघाचे मुख्य प्रशिक्षक रमेश पवार आणि व्यवस्थापक तृप्ती भट्टाचार्य उद्या सोमवारी सीओए आणि जोहरी यांची भेट घेऊन टी-20 विश्‍वचषकात भारतीय संघाच्या प्रदर्शनाचा  रिपोर्टही सोपवेल.
सीओएने उपांत्य सामन्यापूर्वी झालेल्या निवड समितीच्या बैठकीची माहिती मीडियामध्ये लीक झाल्यावर चिंताही वर्तवली आणि या मामल्यात बीसीसीआयचे वरिष्ठ अधिकारीसहित मुख्य कार्यकारी अधिकारी राहुल जोहरी यांच्याकडून स्पष्टीकरणाची मागणी केली आहे.
उल्लेखनीय आहे की इंग्लंडविरूद्ध खेळलेल्या उपांत्य सामन्यात संघाची सर्वात अनुभवी फलंदाज मितालीला बेंचवर बसवण्यात आले आणि या सामन्यात भारतीय संघाला पराभवाचा सामना करावा लागला. यामुळे मितालीला उपांत्य सामन्यात समाविष्ट न करण्याचे वाद निर्माण झाला आणि त्यानो आता मोठे रूप घेतले.
या स्पर्धेत ऑस्ट्रेलियाविरूद्ध सामन्यात गुडघ्याच्या दुखापतीमुळे मिताली बाहेर होती परंतु त्यापूर्वी खेळलेल्या दोन सामन्यात त्याने सतत अर्धशतकीय खेळी खेळली होती. उपांत्य सामन्याने एक दिवसापूर्वी त्यांना फिट घोषित करण्यात आले होते. तरी देखील याच्या व्यवस्थापनाने त्यांना बेंंचवर बसून ऑस्ट्रेलियाविरूद्ध विजय प्राप्त करणार्‍या अंतिम एकादशला कायम ठेवण्याचा निर्णय घेतला.
या निर्णयाविषयी प्रतिक्रिया देताना तृप्तीने सांगितले एक व्यवस्थापक म्हणून मी बैठक बोलवली. कर्णधार आणि निवडकर्ताने खेळपट्टीविषयी चर्चा केली आणि प्रशिक्षकाने हे दर्शवले की ऑस्ट्रेलियाविरूद्ध विजय प्राप्त करणार्‍या अंतिम एकादशला उपांत्य सामन्यासाठी कायम ठेवायला पाहिजे.

ऑस्ट्रेलियाविरुद्धच्या तिसर्‍या टी-20मध्ये भारताचा 6 विकेटनं शानदार विजय झाला. कृणाल पांड्या आणि विराट कोहली भारताच्या या विजयाचे शिल्पकार ठरले. कृणाल पांड्यानं 4 ओव्हरमध्ये 36 रन देऊन ऑस्ट्रेलियाच्या 4 बॅटसमनना आऊट केलं. तर कर्णधार विराट कोहलीनं 41 बॉलमध्ये 61 रनची खेळी केली. यामध्ये 4 फोर आणि 2 सिक्सचा समावेश होता.
भारतानं या मॅचमध्ये विजय मिळवला असला तरी विकेट कीपर ॠषभ पंतच्या नावावर नकोशा रेकॉर्डची नोंद झाली आहे. या मॅचमध्ये ॠषभ पंत पहिल्याच बॉलला शून्य रनवर आऊट झाला. अ‍ॅन्ड्र्यू टायच्या बॉलिंगवर विकेट कीपिर अ‍ॅलेक्स कारेनं पंतचा कॅच पकडला. आंतरराष्ट्रीय टी-20 क्रिकेटमध्ये पहिल्याच बॉलला आऊट होणारा ॠषभ पंत हा पहिलाच भारताचा विकेट कीपर आहे.
ॠषभ पंतसाठी खराब सीरिज
ॠषभ पंत पहिल्यांदाच भारताकडून ऑस्ट्रेलियाच्या दौर्‍यावर आला आहे. बॅटसमन म्हणून पंतसाठी ही टी-20 सीरिज खराब गेली. ॠषभ पंतनं पहिल्या टी-20मध्ये बेजबाबदार शॉट खेळून आऊट झाला. असा शॉट मारल्यामुळे पंतवर टीकाही झाली. या मॅचमध्ये भारताचा 4 रननं पराभव झाला. ॠषभ पंतनं तसा शॉट खेळला नसता तर त्या मॅचमध्ये भारताचा विजय झाला असता. पहिल्या टी-20मध्ये पंतनं 20 रन केले होते. दुसरी टी-20 मॅच पावसामुळे रद्द झाली होती. तर तिसर्‍या मॅचमध्ये पंत शून्य रनवर आऊट झाला.
ॠषभ पंतची आंतरराष्ट्रीय टी-20 कारकिर्द
ॠषभ पंतची आंतरराष्ट्रीय टी-20 कारकिर्द अजूनही म्हणावी तशी यशस्वी राहिलेली नाही. आत्तापर्यंत खेळलेल्या 10 टी-20 मॅचमध्ये पंतनं 19.62ची सरासरी आणि 118.05 च्या स्ट्राईक रेटनं 157 रन केले आहेत. आंतरराष्ट्रीय टी-20मध्ये 58 रन हा पंतचा सर्वाधिक स्कोअर आहे. 11 नोव्हेंबरला चेन्नईमध्ये वेस्ट इंडिजविरुद्ध झालेल्या टी-20मध्ये पंतनं हा स्कोअर केला होता. ॠषभ पंतच्या नावावर आंतरराष्ट्रीय टी-20 क्रिकेटमध्ये एक अर्धशतक आहे.
इंग्लंडविरुद्धच्या टेस्ट सीरिजमधून ॠषभ पंतनं टेस्ट क्रिकेटमध्ये पदार्पण केलं होतं. टेस्ट क्रिकेटमधली पहिलीच रन पंतनं सिक्स मारून केली होती. तर इंग्लंडविरुद्धच्या पाचव्या टेस्टमध्ये पंतनं खणखणीत शतक ठोकलं होतं. 5 टेस्ट मॅचमध्ये पंतनं 43.25 च्या सरासरीनं 346 रन केले आहेत. यामध्ये 1 शतक आणि 2 अर्धशतकांचा समावेश आहे. 114 हा पंतचा टेस्ट क्रिकेटमधला सर्वाधिक स्कोअर आहे.

सिडनीमध्ये झालेला तिसरा टी20 सामना भारताने एकहाती जिंकला. यात जेवढं श्रेय कर्णधार विराट कोहलीचं आहे, तेवढंच किंबहुना त्याहून जास्त श्रेय फिरकीपटू क्रुणाल पांड्याचं आहे. मौक्याच्याक्षणी क्रुणालने 36 धावा देत 4 गडी बाद करत ऑॅस्ट्रेलियाच्या फलंदाजांना 164 धावांवर रोखले. त्याच्या या कामगिरीमुळे ऑॅस्ट्रेलियाच्या मातीवर सर्वात यशस्वी फिरकीपटूंमध्ये क्रुणाल पांड्याचं नाव अग्रणी आहे.
सिडनी येथे खेळण्यात आलेल्या ऑॅस्ट्रेलिया विरुद्धच्या तिसर्‍या आणि शेवटच्या टी20 सामन्यात भारताने विजय मिळवला. भारताच्या या विजयामुळे टी20 मालिका अनिर्णित राहिली. पहिला सामना ऑॅस्ट्रेलियाने जिंकला होता. तर पावसामुळे दुसरा सामना रद्द करण्यात आला होता. मालिका अनिर्णित राखण्यासाठी भारताला तिसरा सामना जिंकणं अपिरहार्य होतं. त्याचप्रमाणे 6 गडी राखून भारताने ही मालिका 1-1 अशी बरोबरीत सोडवली. ऑॅस्ट्रेलियाच्या टिवटर हँडलवरून त्याच्या या चार विकेटस संक्षिप्त स्वरूपात दाखवण्यात आल्या.
विराटने सामन्यात नाबाद 62 धावांची खेळी खेळली. त्याला साथ दिली ती दिनेश कार्तिकने. ऑॅस्ट्रेलियाने दिलेल्या 165 धावांचा पाठलाग करताना भारताचे सलामीवीर रोहित शर्मा आणि शिखर धवन यांनी धडाकेबाज सुरूवात केली. त्यांच्या अर्धशतकी भागीदारीमुळे भारत हा सामना जिंकेल असे वाटत होते. मात्र शिखर धवन 41 (22) पाठोपात रोहित शर्मा 23 (16) बाद झाला. यानंतर विराट कोहली आणि केएल राहुल यांनी धावांचा फलक हलता ठेवायचा प्रयत्न केला.
मात्र विराटला केएल राहुलचा फार साथ मिळाली नाही. 14 (20) धावा करत राहुल तंबूत परतला. त्याच्यानंतर आलेल्या ॠषभ पंतने तर सपशेल निराशा केली. एकही धावा न करता तो शुन्यावर बाद झाला. यानंतर भारत हा सामना जिंकतो की नाही असे वाटत असताना दिनेश कार्तिक आणि विराटने काही सुंदर चौकार आणि षटकार लगावले. अखेर कर्णधार विराट कोहलीने सलग 2 चौकार लगावत सामना भारताच्या नावावर केला.
फिरकीपटू कृणाल पांड्याने कांगारु संघाचे महत्त्वाचे 4 गडी बाद करत भारताच्या विजयात महत्त्वपूर्ण योगदान दिले. कुलदीप यादवने ऑॅस्ट्रेलियाचा कर्णधार फिंचला बाद केले. तर कृणालनेही 4 गडी बाद करत ऑॅस्ट्रेलियाच्या फलंदाजांना 164 धावांमध्ये रोखले.
अ‍ॅरॉन फिंच आणि डी शॉर्ट या सलामवीरांनी सुरुवातीला केलेल्या फटकेबाजीमुळे ऑॅस्ट्रेलियाच्या डावाची सुरुवात चांगली झाली. फिंचने 28 धावांची खेळी केली तर शॉर्टने 33 धावा केल्या. पण त्यानंतर मधल्या फळीतील फलंदाज एकामागोमाग बाद झाल्याने ऑॅस्ट्रिलियाचा संघ संकटात सापडला होता. पण पुन्हा अ‍ॅलेक्स करे आणि स्टोनिस यांनी अनुक्रमे 27 आणि 25 धावांची खेळी केली. त्यामुळे ऑॅस्ट्रेलियन संघ भारतासमोर 165 धावांचं आव्हानात्मक लक्ष्य ठेवू शकला.

ऑॅस्ट्रेलियाविरुद्धच्या तिसर्‍या टी-20मध्ये भारताचा 6 विकेटनं विजय झाला. याचबरोबर भारतानं 3 टी-20 मॅचची सीरिज बरोबरीत सोडवली. पहिल्या टी-20 मॅचमध्ये पराभव झाल्यानंतर दुसरी टी-20 मॅच पावसामुळे रद्द झाली. यामुळे या मॅचमध्ये जिंकून सीरिज वाचवण्याचं आव्हान भारतापुढे होतं. विराट कोहलीच्या टीमनं हे आव्हान लिलया पेललं. 2018 या वर्षातली भारताची ही शेवटची टी-20 मॅच होती. टी-20 क्रिकेटमधला या वर्षाचा शेवट भारतानं गोड केला.
शिखर धवनच्या सर्वाधिक रन
2018 या वर्षात टी-20 क्रिकेटमध्ये सर्वाधिक रन करणार्‍या खेळाडूंमध्ये शिखर धवनचा पहिला क्रमांक लागतो. शिखर धवननं 18 मॅचच्या 17 इनिंगमध्ये 40.52 ची सरासरी आणि 147.22 च्या स्ट्राईक रेटनं 689 रन केले. यामध्ये 6 अर्धशतकांचा समावेश आहे. 2018 मध्ये सर्वाधिक रन करणार्‍या खेळाडूंमध्ये रोहित शर्माचा दुसरा क्रमांक लागतो. रोहितनं यावर्षी 19 मॅचच्या 18 इनिंगमध्ये 36.87 ची सरासरी आणि 147.50च्या स्ट्राईक रेटनं 590 रन केले. रोहितनं यावर्षी 2 शतकं आणि 3 अर्धशतकंही केली.
शिखर धवन आणि रोहितनंतर या यादीमध्ये पाकिस्तानच्या फकर झमान आणि बाबर आझमचा नंबर लागतो. फकर झमाननं 17 मॅचमध्ये 576 आणि बाबर आझमनं 12 मॅचमध्ये 563 रन केले.
टी-20मध्ये सर्वाधिक रन करणार्‍या खेळाडूंच्या यादीत लोकेश राहुल 15व्या क्रमांकावर आहे. राहुलनं यावर्षी 13 मॅचच्या 11 इनिंगमध्ये 324 रन केले.
2018 साली वनडे आणि टेस्ट क्रिकेटमध्ये सर्वाधिक रन करणारा भारताचा कर्णधार विराट कोहली या यादीमध्ये 31 व्या क्रमांकावर फेकला गेला आहे. विराटच्या पुढे भारताचे मनिष पांडे आणि सुरेश रैना आहेत. मनिष पांडेनं 13 मॅचच्या 11 इनिंगमध्ये 299 रन केले, तर सुरेश रैनानं 13 मॅच आणि 11 इनिंगमध्ये 298 रन केले. 2018मध्ये सर्वाधिक रन करणार्‍या खेळाडूंच्या यादीत मनिष पांडे 16व्या आणि सुरेश रैना 17व्या क्रमांकवर आहे.
विराट कोहलीनं 2018 मध्ये 10 टी-20 मॅचच्या 9 इनिंगमध्ये 30.14 ची सरासरी आणि 121.96 च्या स्ट्राईक रेटनं 211 रन केले. यावर्षी विराट कोहलीला टी-20 मॅचमध्ये एकच अर्धशतक करता आलं. ऑॅस्ट्रेलियाविरुद्धच्या शेवटच्या टी-20मध्ये विराटनं 41 बॉलमध्ये 61 रनची खेळी केली.

दिल्ली डायनामोजविरूद्ध उद्या सोमवारी येथे कांतिरावा स्टेडियममध्ये होणारा सामना बंगळुरूचा कर्णधार सुनील छेत्रीसाठी विशेष असेल कारण क्लबसाठी हा त्याचा 150वा सामना असेल.
छेत्री वर्षापासून बंगळुरू एफसीचा चेहरा आहे. या क्लबसाठी त्यांनी अनेक कारनामे केले आणि त्याच्या नेतृत्वातच क्लबने गतवर्षी पहिल्यांदा आयएसएलमध्ये खेळताना फायनलमध्ये जागा बनवली होती. फायनलमध्ये त्याला चेन्नइयन एफसीविरूद्ध पराभव मिळाला होता.
बंगळुरू सध्या 10 संघाच्या तालिकेत दुसर्‍या स्थानावर आहे. दुसरीकडे, दिल्लीचा संघ अंतिम स्थानावर आहे. बंगळुरूचा संघ हा सामना जिंकून पहिल्या स्थानावर पोहचू इच्छितो तर दिल्लीचा संघही स्थान परिवर्तन करू इच्छितो.
बंगळुरू एफसी या सत्राचा एकमात्र असा संघ आहे, जो आतापर्यंत अजय आहे. या संघाने सहा सामने खेळले आहे. या संघाने आपल्या अंतिम सामन्यात एफसी गोवाला 2-1 ने हरवले होते आणि तो देखील 10 खेळांडुसोबत खेळताना. त्या सामन्यात  डिमास डेल्गाडोला लाल कार्ड मिळाला होता आणि फळस्वरूप ते दिल्लीविरूद्ध खेळु शकला नाही.
दुखापतीमुळे स्ट्राइकर मीकू आणि एरिक पाटार्लू गोवाविरूद्ध खेळु शकला नव्हता. पाटार्लूने पायाच्या अंगठ्याची सर्जरी केली आणि तो इतर काही सामन्यातही खेळु शकला नाही. मीकूचे पुनरागमन होऊ शकते परंतु सर्वकाही त्याची फिटनेस कसोटीवर अवलंबून राहील.
मीकू जर फिनेटस टेस्टमध्ये अपयशी झाला तर मग चेंचो गाइलस्टीनला नंतर संधी मिळेल. चेंचोने गोवाविरूद्ध पदार्पण केले होते. तो छेत्रीसोबत आक्रमण फळीचे नेतृत्व संभाळेल. छेत्रीने या सत्रात आतापर्यंत पाच गोल केले आहे.
दुसरीकडे दिल्लीच्या संघाची आक्रमण फळी आतापर्यंत कमजोर आहे. या संघाने आठ सामन्यात आतापर्यंत फक्त सात गोल केले आहे. या संघाने अनेक चांगली संधी बनवली परंतु त्याला गोलमध्ये बदलण्यात अपयशी राहिले.

ओडिसा हॉकी विश्‍वचषक स्पर्धेत विभिन्न देशाच्या संघाचे अनेक चांगले आणि लोकप्रिय खेळाडू सहभाग घेत आहे परंतु यात आगामी पीढीचे अनेक उभरते दिग्गज आहेत.
विश्‍वचषक स्पर्धेत बहुतांश हॉकी चाहत्यांची नजर सहा अशा तरूण खेळांडूवर राहील, जे विश्‍वचषकाद्वारे जागतिक रूपाने आपल्या प्रदर्शनाने सर्वांवर छाप सोडणार आहे.
वर्ल्ड नम्बर-5 भारताचा 19 वर्षीय दिलप्रीत सिंह त्यापैकी एक खेळाडू आहे. गतवर्षी मलेशियामध्ये आयोजित झालेले अंडर-21 सुल्तान जोहोर चषक स्पर्धेत दिलप्रीतने सहा सामन्यात नऊ गोल करून आपल्या क्षमतेचा परिचय दिला होता.
या प्रदर्शनने भारताचे राष्ट्रीय संघाचे मुख्य प्रशिक्षक हरेंद्र सिंह खुप प्रभावित झाले आणि त्यांनी दिलप्रीतला सीनियर संघात समाविष्ट केले. आता तो विश्‍वचषकात सर्वात तरूण खेळाडू बनण्याच्या उंबरठ्यावर आहे. दिलप्रीतच्या संघात समाविष्ट होणे हरेंद्रचे तरूण पिढीत दर्शवलेल्या विश्‍वासाचे उदाहरण आहे.
याच्या व्यतिरिक्त यात वर्ल्ड नम्बर-1 ऑस्ट्रेलिया संघाचे 20 वर्षीय जेक हार्वीचे नावही समाविष्ट आहे. तीन वेळेचे ऑलिम्पियन गोर्डोन पियर्सचे नातु हार्वीच्या रक्तात हॉकी धावते.
गतवर्षी झालेल्या ओडिसा हॉकी विश्‍वचषकात ऑस्ट्रेलियाच्या डिफेंसला मजबूत करण्यात हार्वीने महत्त्वपूर्ण भूमिका निभावली होती आणि याच्या बळावर संघाने विजेतेपद प्राप्त केले होते. आपल्या आतापर्यंतच्या करियरमध्ये हार्वी 39 अंतरराष्ट्रीय सामना खेळला आहे. ऑस्ट्रेलियाचे ध्येय सतत तिसर्‍यांदा विजेतेपद प्राप्त करायचे आहे आणि अशात हार्वी पूर्णपणे या ध्येयासाठी प्रतिबद्ध आहे.
वर्ल्ड नम्बर-2 अर्जेंटीनाचा 21 वर्षीय माइको कासेलाही कोणापेक्षा कमी नाही. अंतरराष्ट्रीय स्तरावर 35 सामने खेळलेले कासेला अर्जेंटीनाच्या राष्ट्रीय संघात समाविष्ट सर्वात कमी वयाच्या खेळाडू आहे.
लखनौमध्ये 2016 मध्ये झालेल्या अंडर-21 जूनियर विश्‍वचषक स्पर्धेत तो चांगले प्रदर्शन करणारा खेळाडू राहिला. या प्रदर्शनाच्या बळावर त्याने राष्ट्रीय संघात आपली विशेष जागा बनवली आहे.
नीदरलँड्सचा 20 वर्षीय खेळाडू जोरिट क्रूनकडे इतक्या कमी वयात ऑलिम्पिक खेळाचा अनुभव आहे. तो त्या वेळेत 18 वर्षाचा होता. वर्ल्ड नम्बर-4 संघाचे मुख्य प्रशिक्षक मॅक्स काल्डासद्वारे क्रूनला रियो ऑलिम्पिक खेळासाठी निवडले जाण्याच्या निर्णयाने खुप हलचाल माजली होती.
अनेक लोकांनी याला काल्डासचे डावच्या रूपात पाहिले, परंतु क्रूनच्या प्रदर्शनाने सर्व टिकाकारांच्या तोंडावर कुलूप लावले. अंतरराष्ट्रीय स्तरावर 56 सामने खेळलेल्या क्रूनने राष्ट्रीय संघात आपली जागा बनवली आहे. तसेच सध्या त्याचे करियर खुप दिर्घ आहे.
रियो ऑलिम्पिक खेळाचा अनुभव ठेवणारे 21 वर्षीय टिम हेर्जबुर्कने वर्ल्ड-6 जर्मनीच्या राष्ट्रीय संघात आपली जागा आपल्या बळावर बनवली. लखनौमध्ये झालेल्या उत्तर प्रदेश जूनियर हॉकी विश्‍वचषकात त्याला स्पर्धेचा सर्वश्रेष्ठ खेळांडूच्या पुरस्काराने सन्मानित करण्यात आले होते.
आपल्या करियरमध्ये 54 अंतरराष्ट्रीय सामने खेळलेल्या संघाला गतवर्षी गुडघ्याच्या दुखापतीमुळे दिर्घ कालवधीपर्यंत मैदानाने बाहेर रहावे लागले, परंतु आता त्याने पुनरागमन केले आहे आणि विश्‍व हॉकीमध्ये आपली छाप सोडण्यासाठी तयार आहे.
ओडिसा हॉकी विश्‍वचषकात कोणत्याही संघासाठी परेशानी उभी करण्यात स्पेनचा 22 वर्षीय खेळाडू एनरीक गोंजालेज पूर्णपणे सक्षम आहे.
वर्ल्ड नम्बर-8 स्पेनच्या राष्ट्रीय संघात तो आपली चांगली तेजी आणि हॉकी स्टिकसोबत आपले चांगल्या कौशल्यासाठी ओळखले जातात. 22 वर्ष वयात तो 73 अंतरराष्ट्रीय सामने खेळले आहे. या स्पर्धेचे सहा उभरते खेळांडुमध्ये समाविष्ट एनरीकने सर्वात जास्त अंतरराष्ट्रीय सामने खेळले आहे. त्यालाही लखनौमध्ये झालेल्या जूनियर हॉकी विश्‍वचषकात सर्वश्रेष्ठ खेळाडुच्या पुरस्काराने सन्मानित करण्यात आले होते.