इटलीच्या ‘या’ खेळाडूच्या टेनिस खेळण्यावर आजीवन बंदी

इटलीचा टेनिस खेळाडू डेनिएल ब्रेससियली मॅच फिक्सिंग प्रकरणात दोषी आढळल्याने त्याच्यावर आजीवन बंदी घालण्यात आली आहे. त्याचबरोबर 10 वर्षाची बंदी त्याचा जोडीदार पोट्रिट स्ट्रासवरही घालण्यात आली आहे. टेनिसमधून पोट्रिटने निवृत्ती स्वीकारली आहे.
त्याचबरोबर डेनिअलवर 250000 डॉलर(1.77 कोटी रुपयांचा दंड) आणि पोट्रिटवर 100000 डॉलर(70.93 लाख रुपये) दंड आकारण्यात आला आहे. टेनिस इंटीग्रटी युनिटने सांगितले की, 2011 मध्ये स्पेन येथे झालेल्या बार्सिलोना ओपनमध्ये भष्ट्राचाराच्या नियमांचे उल्लंघन केल्यामुळे दोषी ठरले आहे. या शिक्षेविरुद्ध दोन्ही खेळाडूंना अपील करता येणार आहे.